U R DH Ë R
Nr. 4, Datë 16.04.2013
“Organizimi i sesionit shtesë të Majit 2013, në Fakultetin e Teknologjisë së Informacionit”
Në vijim të shkresës së Rektorit Nr. 437/1 Prot., datë 11.04.2013 “Mbi hapjen e një sesioni shtesë provimesh në muajin Maj 2013”, sidhe në zbatim të Rregullores Mësimore të UPT, neni 21, Dekani i FTI urdhëron strukturat e fakultetit për sa më poshtë:
1. Zv. Dekani:
Të shpallë datat, sallat dhe orarin e zhvillimit të provimeve gjatë sesionin të majit 2013, në bashkëpunim me departamentet përkatëse që zhvillojnë mësim pranë FTI, deri më 22 Prill 2013.
2. Përgjegjësat e departamenteve:
1. Të sjellin komisionet e provimeve deri më 24 Prill.
2. Të njoftojnë pedagogët për respektimin e afateve si më poshtë:
– Të tërheqin procesverbalet e detyrimeve më 25 Prill.
– Të shpallin afatin e dorëzimit të detyrimeve 22 deri 26 Prill.
– Të dorëzojnë Procesverbalet e detyrimeve deri më 29 Prill.
– Të dorëzojnë fletët e provimeve deri tre ditë pas zhvillimit të provimit.
3. Sekretaria mësimore:
1. Të pregatisë Procesverbalet e detyrimeve, deri më 24 Prill.
2. Të konfirmojë hedhjen e të dhënave të Procesverbaleve të detyrimeve në sistem deri më 2 Maj.
3. Fletët e provimeve të pregatiten, sipas datave të shpallura një ditë para provimit, si dhe ti dorëzohen me firmë Kryetarit të komisionit të provimit.
4. Të konfirmojë hedhjen e të dhënave të Fletëve të provimit të sesionit të majit 2013 në sistem, deri më 31 Maj.
5. Të plotësojë Regjistrin e notave për sesionin e majit 2013 deri më 10 Qershor.
4. Kancelarja: Të rregullojë sallat dhe të merren masa për pastrimin rregullisht të sallës së leksioneve B(-2) dhe sallës 503, gjatë sesionit të provimeve.
Ngarkohet Zv. Dekani i FTI për ndjekjen e këtij urdhëri.
Ky urdhër hyn në fuqi menjëherë.
D E K A N I
Prof.Rozeta Miho Mitrushi
